Londonning «Tottenxem» klubi «PSJ» hujumchisi Randal Kolo-Muanini o‘z safiga qo‘shib olish imkoniyatini ko‘rib chiqmoqda. Bu haqda Tuttosport nashri xabar berdi.

Manbaga ko‘ra, «shporlar» bosh murabbiyi Roberto De Dzerbi 27 yoshli fransiyalik hujumchining muxlislaridan biri hisoblanadi va uni jamoada ko‘rishni istaydi.

Qayd etilishicha, «PSJ» Kolo-Muanini yana ijaraga berishga tayyor. Biroq parijliklar shartnomaga majburiy sotib olish bandi kiritilishini talab qilmoqda.

Shu bilan birga, hujumchiga qiziqish bildirgan «Yuventus» ham transfer ustida ishlashda davom etmoqda.

Forvard o‘tgan mavsumni «Tottenxem» safida ijara asosida o‘tkazdi. U barcha turnirlarda 41 ta uchrashuvda qatnashib, 5 ta gol urdi va 4 ta golli uzatmani amalga oshirdi.

Transfermarkt ma’lumotiga ko‘ra, Kolo-Muanining bozor qiymati 20 million yevroga teng.