Лондоннинг «Тоттенхэм» клуби «ПСЖ» ҳужумчиси Рандаль Коло-Муанини ўз сафига қўшиб олиш имкониятини кўриб чиқмоқда. Бу ҳақда Tuttosport нашри хабар берди.

Манбага кўра, «шпорлар» бош мураббийи Роберто Де Дзерби 27 ёшли франциялик ҳужумчининг мухлисларидан бири ҳисобланади ва уни жамоада кўришни истайди.

Қайд этилишича, «ПСЖ» Коло-Муанини яна ижарага беришга тайёр. Бироқ парижликлар шартномага мажбурий сотиб олиш банди киритилишини талаб қилмоқда.

Шу билан бирга, ҳужумчига қизиқиш билдирган «Ювентус» ҳам трансфер устида ишлашда давом этмоқда.

Форвард ўтган мавсумни «Тоттенхэм» сафида ижара асосида ўтказди. У барча турнирларда 41 та учрашувда қатнашиб, 5 та гол урди ва 4 та голли узатмани амалга оширди.

Transfermarkt маълумотига кўра, Коло-Муанининг бозор қиймати 20 миллион еврога тенг.