«Nyukasl» klubi «Manchester Siti» posboni Jeyms Traffordni sotib olishni maqsad qilgan. Bu haqda The Chronicle nashri xabar bermoqda.

Manbaning vaziyatga bergan bahosiga ko‘ra, «Aston Villa» futbolchiga bo‘lgan qiziqishini kamaytirib, bor e’tiborini Emiliano Martinesni jamoada saqlab qolishga qaratganidan so‘ng, «qarg‘alar»da ushbu transferni amalga oshirish uchun imkoniyatlar ko‘paygan. Biroq Traffordga «Chelsi» tomonidan ham qiziqish saqlanib qolayotgani va London klubi kurashda «Nyukasl»ga raqobatchi bo‘lishi mumkinligi aytilmoqda.

2025/26 yilgi mavsumda Trafford barcha musobaqalarni inobatga olgan holda 17 ta o‘yinda maydonga tushib, 13 ta gol o‘tkazib yubordi va 8 ta uchrashuvda o‘z darvozasi daxlsizligini saqlab qoldi.

Transfermarkt ekspertlari darvozabonning transfer qiymatini 25 million yevroga baholashmoqda.