«Ньюкасл» клуби «Манчестер Сити» посбони Жеймс Траффордни сотиб олишни мақсад қилган. Бу ҳақда The Chronicle нашри хабар бермоқда.

Манбанинг вазиятга берган баҳосига кўра, «Астон Вилла» футболчига бўлган қизиқишини камайтириб, бор эътиборини Эмилиано Мартинесни жамоада сақлаб қолишга қаратганидан сўнг, «қарғалар»да ушбу трансферни амалга ошириш учун имкониятлар кўпайган. Бироқ Траффордга «Челси» томонидан ҳам қизиқиш сақланиб қолаётгани ва Лондон клуби курашда «Ньюкасл»га рақобатчи бўлиши мумкинлиги айтилмоқда.

2025/26 йилги мавсумда Траффорд барча мусобақаларни инобатга олган ҳолда 17 та ўйинда майдонга тушиб, 13 та гол ўтказиб юборди ва 8 та учрашувда ўз дарвозаси дахлсизлигини сақлаб қолди.

Transfermarkt экспертлари дарвозабоннинг трансфер қийматини 25 миллион еврога баҳолашмоқда.