«Lids» «Sassuolo» va Bosniya va Gersegovina terma jamoasi himoyachisi Tarik Muxaremovichni o‘z safiga qo‘shib olishdan manfaatdor, deb xabar berdi jurnalist Fabrisio Romano.
Manba ma’lumotlariga ko‘ra, «Lids» futbolchiga shartnoma bo‘yicha og‘zaki taklif bildirgan va bitimni yaqin kunlarda yopishni rejalashtirmoqda. Klub rahbariyati muzokaralarni muvaffaqiyatli yakunlashiga ishonmoqda. Transfer jarayonida yana ikkita klub ishtirok etmoqda — «Sassuolo» bilan muzokaralar davom etadi.
Muxaremovich 2025 yilning iyulidan buyon «Sassuolo» safida to‘p suradi. Uning shartnomasi 2031 yilning 30 iyunigacha mo‘ljallangan.
2025/26 yilgi mavsumda himoyachi 33 ta o‘yinda maydonga tushib, ikkita gol urdi va ikkita golli uzatmani amalga oshirdi. JCH-2026 da u uchta o‘yinda ishtirok etib, qizil kartochka olgan edi.
Transfermarkt futbolchining transfer qiymatini 25 million yevroga baholamoqda.
