«Aston Villa» yarim himoyachisi Yuri Tilemans «Manchester Yunayted»ga o‘tishga yaqin turibdi.

Belgiyalik futbolchi «qizil iblislar»ga allaqachon og‘zaki rozilik bildirgan — endi navbat klublar o‘rtasidagi kelishuvga. Jurnalist Devid Ornshteynning ma’lumotlariga ko‘ra, «Villa» o‘z tarkibidagi muhim futbolchi bilan xayrlashishni istamayapti, biroq ular bitimga to‘sqinlik qila olmaydi. Chunki «MYU» yarim himoyachining amaldagi shartnomasida ko‘rsatilgan 35 million funt sterling (41 million yevro) miqdoridagi tovon pulini to‘lash orqali uni o‘z safiga qo‘shib olishni rejalashtirmoqda.

Taniqli Transfermarkt portali mutaxassislari Yuri Tilemansning bozor qiymatini 30 million yevroga baholamoqda. May oyida «Lester»ning sobiq yulduzi 29 yoshga to‘ldi.