«Астон Вилла» ярим ҳимоячиси Юри Тилеманс «Манчестер Юнайтед»га ўтишга яқин турибди.
Бельгиялик футболчи «қизил иблислар»га аллақачон оғзаки розилик билдирган — энди навбат клублар ўртасидаги келишувга. Журналист Дэвид Орнштейннинг маълумотларига кўра, «Вилла» ўз таркибидаги муҳим футболчи билан хайрлашишни истамаяпти, бироқ улар битимга тўсқинлик қила олмайди. Чунки «МЮ» ярим ҳимоячининг амалдаги шартномасида кўрсатилган 35 миллион фунт стерлинг (41 миллион евро) миқдоридаги товон пулини тўлаш орқали уни ўз сафига қўшиб олишни режалаштирмоқда.
Таниқли Transfermarkt портали мутахассислари Юри Тилеманснинг бозор қийматини 30 миллион еврога баҳоламоқда. Май ойида «Лестер»нинг собиқ юлдузи 29 ёшга тўлди.
