Argentina terma jamoasi hujumchisi Lionel Messi jahon chempionatida o‘z jamoasi hujumlarida eng faol ishtirok etayotgan futbolchi bo‘lib turibdi.

JCH-2026 davomida 39 yoshli Messi jamoasining 54 ta zarbasida bevosita ishtirok etdi (o‘zi 33 ta zarba yo‘llagan va yana 21 ta vaziyat yaratgan).

Bu 1986 yildan buyon bitta jahon chempionatida qayd etilgan eng yaxshi ko‘rsatkichdir. O‘shanda Diyego Maradona 29 ta zarba yo‘llab, 30 ta golli vaziyat yaratgan edi.

Eslatib o‘tamiz, Maradona sardorligidagi Argentina terma jamoasi 1986 yilgi jahon chempionatida oltin medallarni qo‘lga kiritgandi.