Аргентина терма жамоаси ҳужумчиси Лионель Месси жаҳон чемпионатида ўз жамоаси ҳужумларида энг фаол иштирок этаётган футболчи бўлиб турибди.
ЖЧ-2026 давомида 39 ёшли Месси жамоасининг 54 та зарбасида бевосита иштирок этди (ўзи 33 та зарба йўллаган ва яна 21 та вазият яратган).
Бу 1986 йилдан буён битта жаҳон чемпионатида қайд этилган энг яхши кўрсаткичдир. Ўшанда Диего Марадона 29 та зарба йўллаб, 30 та голли вазият яратган эди.
Эслатиб ўтамиз, Марадона сардорлигидаги Аргентина терма жамоаси 1986 йилги жаҳон чемпионатида олтин медалларни қўлга киритганди.
