Yaqinda "Roma" 32 yoshli hujumchi Paulo Dibala bilan hamkorlikni uzaytirganini e’lon qildi. Bir yilga mo‘ljallangan yangi mehnat shartnomasining imzolanishi haqida argentinalik futbolchining o‘zi fikr bildirdi.
"Barcha istaganidek – klub, men va umid qilamanki, muxlislar – hikoya davom etadi. Ushbu shaharda yana bir mavsumni o‘tkazishdan xursand bo‘laman. "Roma" sharafini himoya qilishda davom etish imkoniyati men uchun katta sharaf", - deya hujumchining so‘zlarini keltiradi klub matbuot xizmati.
Dibala Rim klubi safiga 2022 yilda kelib qo‘shilgandi. Italiya jamoasi libosida futbolchi 140 ta o‘yinda maydonga tushib, o‘z hisobiga 45 ta gol va 30 ta golli uzatmani yozdirib qo‘ygan.
