Angliyalik mashhur sobiq himoyachi Jon Terri 2026 yilgi Jahon chempionati yarim finali doirasidagi Angliya va Argentina terma jamoalari o‘rtasidagi uchrashuvdan kutilmalari bilan o‘rtoqlashdi. «Uch sherlar»ning amaldagi jahon chempionlariga qarshi bahsi 15 iyul kuni bo‘lib o‘tadi (Toshkent vaqti bilan soat 23:59).
«Argentina menda xavotir uyg‘otmayapti. Ikkala jamoani kuzatar ekanman, raqib bizdan ustun deb ayta olmayman. Men biz Argentinadan kuchliroqmiz deb hisoblayman», — deya «Chelsi» afsonasining so‘zlarini keltiradi AlbicelesteTalk.
Birinchi yarim finalda Ispaniya va Fransiya terma jamoalari to‘qnash kelishadi — bu o‘yin 14 iyul kuni bo‘lib o‘tadi. Final bahsi esa 19 iyulga belgilangan.
Angliya terma jamoasi mundialda bir marta — 1966 yilda g‘alaba qozongan. Argentinaliklar esa uch marta g‘olib bo‘lishgan.
