Англиялик машҳур собиқ ҳимоячи Жон Терри 2026 йилги Жаҳон чемпионати ярим финали доирасидаги Англия ва Аргентина терма жамоалари ўртасидаги учрашувдан кутилмалари билан ўртоқлашди. «Уч шерлар»нинг амалдаги жаҳон чемпионларига қарши баҳси 15 июль куни бўлиб ўтади (Тошкент вақти билан соат 23:59).
«Аргентина менда хавотир уйғотмаяпти. Иккала жамоани кузатар эканман, рақиб биздан устун деб айта олмайман. Мен биз Аргентинадан кучлироқмиз деб ҳисоблайман», — дея «Челси» афсонасининг сўзларини келтиради AlbicelesteTalk.
Биринчи ярим финалда Испания ва Франция терма жамоалари тўқнаш келишади — бу ўйин 14 июль куни бўлиб ўтади. Финал баҳси эса 19 июлга белгиланган.
Англия терма жамоаси мундиалда бир марта — 1966 йилда ғалаба қозонган. Аргентиналиклар эса уч марта ғолиб бўлишган.
