Madridning «Real» klubi sobiq futbolchisi Klod Makelele «qirollik klubi» kim bilan shartnoma imzolashi kerakligi haqida o‘z fikrini bildirdi.
«Yaqinda Florentino Peres bilan suhbatlashdim. Suhbat chog‘ida unga, agar barcha pulni bitta o‘yinchiga sarflash kerak bo‘lsa, u Maykl Olise bo‘lishi kerakligini aytdim. Olise o‘z o‘yini bilan bizni futbolga maftun bo‘lgan bolalik davrimizga qaytaradi», — deya Makelelening so‘zlarini keltiradi Madrid Zone.
Madridning «Real» klubi allaqachon 24 yoshli fransiyalik futbolchini taklif qilishga qiziqish bildirgan, ammo Myunxenning «Bavariya» klubi o‘z yulduzini qo‘yib yubormoqchi emas.
O‘tgan mavsumda Olise barcha turnirlarda 52 ta uchrashuv o‘tkazib, raqiblar darvozasini 22 marta ishg‘ol qildi va 31 ta golli uzatmani amalga oshirdi.
