Мадриднинг «Реал» клуби собиқ футболчиси Клод Макелеле «қироллик клуби» ким билан шартнома имзолаши кераклиги ҳақида ўз фикрини билдирди.

«Яқинда Флорентино Перес билан суҳбатлашдим. Суҳбат чоғида унга, агар барча пулни битта ўйинчига сарфлаш керак бўлса, у Майкл Олисе бўлиши кераклигини айтдим. Олисе ўз ўйини билан бизни футболга мафтун бўлган болалик давримизга қайтаради», — дея Макелеленинг сўзларини келтиради Madrid Zone.

Мадриднинг «Реал» клуби аллақачон 24 ёшли франциялик футболчини таклиф қилишга қизиқиш билдирган, аммо Мюнхеннинг «Бавария» клуби ўз юлдузини қўйиб юбормоқчи эмас.

Ўтган мавсумда Олисе барча турнирларда 52 та учрашув ўтказиб, рақиблар дарвозасини 22 марта ишғол қилди ва 31 та голли узатмани амалга оширди.