Angliyada 2026 yilgi Jahon chempionati yarim finalidagi mag‘lubiyatdan so‘ng oilaviy zo‘ravonlik qurbonlari uchun maxsus «ishonch telefoni» raqami eslatib o‘tildi. Tegishli xabar Politics UK'ning ijtimoiy tarmoqdagi sahifasida e’lon qilindi. Turnirning 1/2 finalida Angliya terma jamoasi Argentinaga 1:2 hisobida imkoniyatni boy berdi.
Statistikaga ko‘ra, yirik futbol turnirlari vaqtida bunday jinoyatlar tez-tez sodir etiladi. Tadqiqotlarda futbolning o‘zi zo‘ravonlikka sabab bo‘lmasligi, biroq alkogol, hissiy taranglik va o‘yinlar atrofidagi qizg‘inlik oilalarda mavjud muammolarni kuchaytirishi mumkinligi ta’kidlanadi.
Ochiq manbalardagi ma’lumotlarga ko‘ra, Angliya terma jamoasi o‘yinlari vaqtida bunday hodisalar soni ortib boradi. Ayniqsa, jamoa mag‘lub bo‘lganidan keyin mamlakatda oilaviy zo‘ravonlik darajasi 38 foizga o‘sishi kuzatilgan.
