Diyego Maradonaning 1986 yilgi Jahon chempionatidagi sardorlik bog‘ichi auksionda 512 ming dollarga sotildi. Eslatib o‘tamiz, o‘sha mundial Argentina terma jamoasi tarixidagi ilk g‘alabali chempionat bo‘lgandi va Maradona unda angliyaliklar darvozasiga qo‘l bilan kiritgan goli bilan yodda qolgan.
Keyinchalik bu epizod jahon futboli tarixida «xudoning qo‘li» sifatida muhrlanib qoldi.
Avvalroq Pelening 1958 yilgi Jahon chempionatidagi libosi 4,88 million dollarga sotilgani ma’lum bo‘lgan edi. Biroq Pelening libosi Maradonaning rekordini yangilay olmadi: o‘sha 1986 yilgi chempionatda Maradona kiygan libos deyarli 10 million dollarga sotilgandi.
Daily Mail nashri xabar berishicha, argentinalik afsonaning sardorlik bog‘ichini sotib olgan shaxsning ismi oshkor etilmadi.
