AQSH prezidenti Donald Tramp AQSH terma jamoasi hujumchisi Folarin Balogunning diskvalifikasiyasini bekor qilish bo‘yicha FIFA rahbari Janni Infantinoga qilgan qo‘ng‘irog‘i haqida gapirib berdi.
Eslatib o‘tamiz, hujumchi 1/16 final bahsida qizil kartochka olgan va keyingi bosqichda Belgiyaga qarshi o‘yinni o‘tkazib yuborishi kerak edi. Biroq Tramp Infantinoga qo‘ng‘iroq qilgach, FIFA futbolchiga berilgan jazoni bekor qildi.
«Ehtimol, bu eng esda qolarli lahza bo‘lgandir. «Unga o‘ynashga ruxsat bering» — yo‘q, men bunday demaganman. Nima sodir bo‘lishidan xabarim yo‘q edi. Hammasi ajoyib chiqdi, chunki hech qanday tortishuvlar yo‘q», — deya AQSH yetakchisining so‘zlarini keltiradi Fox News telekanali.
U, shuningdek, Balogun maydonda bo‘lmaganida, mag‘lubiyatga uchragan taqdirda AQSHda buni ro‘kach qilish uchun sabab bo‘lishini ta’kidladi.
Natijada, amerikaliklar Belgiyaga qarshi o‘yinda yirik, 1:4 hisobida mag‘lub bo‘lishdi va turnirdan chiqib ketishdi.
