АҚШ президенти Дональд Трамп АҚШ терма жамоаси ҳужумчиси Фоларин Балогуннинг дисквалификациясини бекор қилиш бўйича ФИФА раҳбари Жанни Инфантинога қилган қўнғироғи ҳақида гапириб берди.
Эслатиб ўтамиз, ҳужумчи 1/16 финал баҳсида қизил карточка олган ва кейинги босқичда Бельгияга қарши ўйинни ўтказиб юбориши керак эди. Бироқ Трамп Инфантинога қўнғироқ қилгач, ФИФА футболчига берилган жазони бекор қилди.
«Эҳтимол, бу энг эсда қоларли лаҳза бўлгандир. «Унга ўйнашга рухсат беринг» — йўқ, мен бундай демаганман. Нима содир бўлишидан хабарим йўқ эди. Ҳаммаси ажойиб чиқди, чунки ҳеч қандай тортишувлар йўқ», — дея АҚШ етакчисининг сўзларини келтиради Fox News телеканали.
У, шунингдек, Балогун майдонда бўлмаганида, мағлубиятга учраган тақдирда АҚШда буни рўкач қилиш учун сабаб бўлишини таъкидлади.
Натижада, америкаликлар Бельгияга қарши ўйинда йирик, 1:4 ҳисобида мағлуб бўлишди ва турнирдан чиқиб кетишди.
