Fransiya terma jamoasi bosh murabbiyi Didye Desham JCH–2026 uchinchi o‘rin uchun kechgan Angliyaga qarshi bahsdagi (4:6) mag‘lubiyatdan keyin o‘z fikrlari bilan o‘rtoqlashdi. Bu uchrashuv mutaxassis uchun milliy jamoa boshqaruvidagi so‘nggi o‘yin bo‘ldi.
«Mag‘lubiyat har doim yoqimsiz. Shunga qaramay, bajarilgan ishdan qoniqish hissi bor. Albatta, turnirni uchinchi o‘rin bilan yakunlaganimiz yaxshiroq bo‘lardi.
Bizda katta maqsadlar bor edi va ko‘p yaxshi ishlarga erishdik. Ispaniyaga qarshi bahsda o‘z o‘yinimizni namoyish eta olmadik, raqib esa bizga qarshi juda yaxshi harakat qildi.
Barchasi yomon emas. Bizda iqtidorli jamoa bor va natijaga erishish uchun barcha imkoniyatlar mavjud edi. Shaxsan men uchun bu ajoyib sayohat bo‘ldi. A’lo darajadagi sakkiz hafta.
Natija nuqtai nazaridan, albatta, afsusdamiz. Biz o‘nlab millionlab fransuz muxlislariga quvonch bag‘ishlash imkoniga ega edik. Bu — jahon chempionati. Undan ortiq nufuzli musobaqa yo‘q. Fransiya terma jamoasi libosini kiyishdan ortiq sharaf ham yo‘q», — dedi Desham.
Eslatib o‘tamiz, Didye Desham Fransiya terma jamoasini 14 yil davomida boshqardi. Uning qo‘l ostida fransuzlar 2018 yilgi jahon chempionatida g‘olib chiqqan, 2022 yilgi mundialda finalga chiqqan, Yevro–2016 finalchisi bo‘lgan va 2021 yilda UYEFA Millatlar ligasida g‘alaba qozongan. Shuningdek, Fransiya terma jamoasi JCH–2014dan beri ilk bor jahon chempionatini medalsiz yakunladi.
