«Manchester Yunayted» vingeri Markus Reshford JCH-2026 turnirida Fransiya ustidan qozonilgan g‘alabadan so‘ng o‘z taassurotlari bilan o‘rtoqlashdi.

Inglizlar 6:4 hisobida zafar quchib, mundialning bronza medaliga ega chiqishdi. «Qizil iblislar» vakili turnirdagi oxirgi o‘yinda golli uzatmaga mualliflik qildi.

«Futbolda muqarrar bir narsa bor — bu yo‘ldagi muvaffaqiyatsizliklar. Argentinadan uchralgan mag‘lubiyat jiddiy zarba bo‘ldi, ammo biz oldinga intilishimiz va erishgan yutuqlarimizni qadrlashimiz kerak. Biz juda yaqin edik, ammo, afsuski, bu safar ham nasib qilmadi. Bugun biz to‘g‘ri munosabatda bo‘ldik va Fransiya bilan ajoyib o‘yin ko‘rsatdik, natijada uchinchi o‘rinni egallab, muxlislarimizga tabassum hadya etdik. Bu jamoaning bir qismi ekanimdan xursandman. Bizga ishonishda davom eting — bizning ham vaqtimiz keladi. Endi dam olish, hammasini sarhisob qilish va eng yaxshi holatda qaytish kerak», — deb yozdi Reshford ijtimoiy tarmoqlarda.

Eslatib o‘tamiz, yarim finalda Angliya Argentinaga imkoniyatni boy bergandi (1:2).