Belarus terma jamoasi va «Barselona»ning sobiq yarim himoyachisi Aleksandr Gleb Ispaniya va Argentina o‘rtasidagi jahon chempionati finalidan kutilayotgan umidlari bilan o‘rtoqlashdi.
Turnirning hal qiluvchi uchrashuvi 19 iyul kuni Ist-Raterforddagi «Metlayf» stadionida bo‘lib o‘tadi.
«Jahon chempionati finalida men aniq bir jamoaga muxlislik qilmayman, shunchaki chiroyli futbol va ko‘plab gollar ko‘rishni umid qilaman! Bo‘lajak o‘yinda qaysi jamoa yaxshiroq o‘ynasa, o‘shaning g‘alaba qozonishini istardim.
Ammo uchrashuvning deyarli har qanday natijasida «Barselona» muxlislari xursand bo‘lishiga shubham yo‘q. Shuningdek, agar Lionel Messi ketma-ket ikkinchi bor dunyo birinchiligida g‘olib chiqsa, mening nazarimda, u shunchaki barcha futbolchilar uchun erishilmas bo‘lib qoladi. Garchi, mening fikrimcha, u shusiz ham tarixdagi eng yaxshi o‘yinchi bo‘lsa-da», – dedi Gleb.
