«Manchester Yunayted» «PSJ» yarim himoyachisi Uorren Zair-Emeriga qiziqish bildirmoqda. Top Mercato xabariga ko‘ra, Angliya klubi parijliklarning muzokaralarga tayyorligini sinab ko‘rish uchun 60 million yevro miqdorida taklif tayyorlamoqda.

20 yoshli fransuz «qizil iblislar»ning markazni kuchaytirish bo‘yicha asosiy nishonlari qatoriga kiradi. Manbaga ko‘ra, parijliklar o‘zlarining eng istiqbolli futbolchilaridan biri bilan xayrlashishni istamayapti.

O‘tgan mavsumda Zair-Emeri barcha turnirlarda 54 ta o‘yinda maydonga tushib, 3 ta gol urdi va 5 ta golli uzatmani amalga oshirdi. Futbolchining «PSJ» bilan amaldagi shartnomasi 2029 yilning yozigacha mo‘ljallangan va unda yana bir mavsumga uzaytirish opsiyasi mavjud.