talkSPORT nashri jurnalisti Aleks Kruk «Real» yarim himoyachisi Eduardo Kamavinganing kelajagi borasida o‘z fikri bilan o‘rtoqlashdi.
«Bugun ertalab menga «Chelsi» shu yozda Kamavinga ko‘chib o‘tishi mumkin bo‘lgan ehtimoliy manzillardan biri ekanini aytishdi», — dedi Kruk.
Eduardo Kamavinga 2021 yilda «Renn»dan «Real»ga 31 million yevro evaziga o‘tgan edi. 2025/26 yilgi mavsumda yarim himoyachi Madrid klubi safida barcha turnirlarda 43 ta o‘yinda maydonga tushib, 2 ta gol urdi va 1 ta golli uzatmaga mualliflik qildi. Uning «qaymoqranglilar» bilan shartnomasi 2029 yilning 30 iyunigacha mo‘ljallangan. Transfermarkt portali xavbekning qiymatini 50 million yevroga baholamoqda.
