talkSPORT нашри журналисти Алекс Крук «Реал» ярим ҳимоячиси Эдуардо Камавинганинг келажаги борасида ўз фикри билан ўртоқлашди.
«Бугун эрталаб менга «Челси» шу ёзда Камавинга кўчиб ўтиши мумкин бўлган эҳтимолий манзиллардан бири эканини айтишди», — деди Крук.
Эдуардо Камавинга 2021 йилда «Ренн»дан «Реал»га 31 миллион евро эвазига ўтган эди. 2025/26 йилги мавсумда ярим ҳимоячи Мадрид клуби сафида барча турнирларда 43 та ўйинда майдонга тушиб, 2 та гол урди ва 1 та голли узатмага муаллифлик қилди. Унинг «қаймоқранглилар» билан шартномаси 2029 йилнинг 30 июнигача мўлжалланган. Transfermarkt портали хавбекнинг қийматини 50 миллион еврога баҳоламоқда.
