Yarim himoyachi Shohmalik Komilov «Navbahor» klubini tark etgani tasdiqlandi. Bo‘lajak transfer tafsilotlari va futbolchining keyingi faoliyati haqida uning vakili Shahboz Beg‘amov ma’lum qildi.
«Shohmalik Komilovning «Navbahor»dan ketgani rost. Unga Proliganing ikkita klubidan taklif bo‘ldi va biz ularni rad etdik.
Gruziyaning «Meshaxte» klubi bilan esa moliyaviy tomonlama kelisha olmadik. Hozirda Murodjon Ismoilov boshchiligidagi jamoa va futbolchi o‘rtasida muzokaralar yakuniy bosqichda. Hozirgi kunda Superliganing kuchli klubi bilan muzokara davom etmoqda», — deydi futbolchining vakili.
