Ярим ҳимоячи Шоҳмалик Комилов «Навбаҳор» клубини тарк этгани тасдиқланди. Бўлажак трансфер тафсилотлари ва футболчининг кейинги фаолияти ҳақида унинг вакили Шаҳбоз Беғамов маълум қилди.
«Шоҳмалик Комиловнинг «Навбаҳор»дан кетгани рост. Унга Пролиганинг иккита клубидан таклиф бўлди ва биз уларни рад этдик.
Грузиянинг «Мешахте» клуби билан эса молиявий томонлама келиша олмадик. Ҳозирда Муроджон Исмоилов бошчилигидаги жамоа ва футболчи ўртасида музокаралар якуний босқичда. Ҳозирги кунда Суперлиганинг кучли клуби билан музокара давом этмоқда», — дейди футболчининг вакили.
