Meksika terma jamoasining sobiq darvozaboni Gilyermo Ochoa milliy terma jamoaning yangi ustozi Rafael Markesning murabbiylar shtabidan joy olish taklifini rad etdi. Bu haqda All Futbol MX akkaunti X ijtimoiy tarmog‘ida ma’lum qildi.
Manba xabariga ko‘ra, Ochoa yosh futbolchilarni aniqlash va kuzatib borishga yordam beradigan yagona ma’lumotlar bazasini yaratish bo‘yicha Xalqaro futbol federasiyasi (FIFA) bilan hamkorlik qilishni rejalashtirmoqda. Bu orqali yosh iqtidorlarda skautlar e’tiboriga tushish imkoniyati paydo bo‘ladi.
Avvalroq Ochoa futbolchilik faoliyatini yakunlaganini e’lon qilgan edi. Klub darajasida darvozabon «Amerika» bilan Klausura-2005 turnirida chempionlikni va Belgiyaning «Standard» klubi tarkibida Belgiya kubogini qo‘lga kiritgan. Xalqaro maydonda esa Meksika terma jamoasi bilan olti marta KONKAKAF Oltin kubogida zafar kuchgan va Tokio-2020 Olimpiada o‘yinlarining bronza medali sohibiga aylangan.
