Sport arbitraj sudi (CAS) 2025 yilgi Afrika Millatlari Kubogi g‘olibi kim ekani bo‘yicha eshituv sanasini tayinladi. Bu haqda insayder Ben Djeykobs X ijtimoiy tarmog‘ida xabar berdi. Manbaga ko‘ra, ishni ko‘rib chiqish 8 oktyabr kuni Senegal Futbol Federasiyasi, Afrika Futbol Konfederasiyasi (CAF) va Qirollik Marokash Futbol Federasiyasi o‘rtasida bo‘lib o‘tadi.

Apellyasiya CAFning Senegal terma jamoasini g‘alabadan mahrum etish va kubokni Marokashga topshirish haqidagi qarorini bekor qilishga qaratilgan. Tomonlar jarayonni tezlashtirishga rozi bo‘lishmagani sababli, u CAFning prosessual qoidalariga muvofiq standart muddatlarda o‘tkaziladi. Sud eshituvi yopiq eshiklar ortida bo‘lib o‘tadi va shundan so‘ng CAF hay’ati o‘z muhokamasini boshlaydi.

Eslatib o‘tamiz, ikkinchi bo‘limga qo‘shib berilgan daqiqalarda hakam senegalliklar darvozasiga penalti belgilagan edi. E’tiroz sifatida Senegal terma jamoasi futbolchilari maydonni tark etishgan va faqat hujumchi Sadio Manening holi-joniga qo‘ymaganidan keyingina qaytishgan. Marokashlik Braim Dias penaltini «panenka» uslubida tepib, imkoniyatdan foydalana olmagan edi.