«Roma» «Chelsi»ning qanot hujumchisi Jeymi Gittens bilan tarkibini kuchaytirmoqchi. Bu haqda Corriere dello Sport nashri xabar bermoqda.

Rim klubi ushbu futbolchini avvalroq shartnoma imzolashga uringan, ammo endilikda «Vest Xem Yunayted»dan «Al-Hilol»ga o‘tayotgan Krisensio Sammervillga muqobil nomzod sifatida ko‘rmoqda.

Jeymi Gittens «Chelsi», «Reding», «Manchester Siti» va Dortmundning «Borussiya» klublari tarbiyalanuvchisi hisoblanadi. Kattalar darajasida futbolchi 2022 yildan 2025 yilgacha dortmundliklar sharafini himoya qilgan. O‘tgan klub mavsumidagi 27 ta o‘yinda u bitta gol urdi va beshta golli uzatmaga mualliflik qildi. Transfermarkt sayti ma’lumotlariga ko‘ra, Gittensning amaldagi bozor qiymati 30 million yevroni tashkil etadi.