«Santos» hujumchisi Neymar Braziliya milliy terma jamoasidagi faoliyatini yakunlaganini ma’lum qildi.
34 yoshli Neymar «selesao» tarixidagi eng yaxshi to‘purar hisoblanadi. U 2010 yildan buyon milliy jamoa safida 130 ta uchrashuvda maydonga tushib, 80 ta gol urdi va 59 ta golli uzatmani amalga oshirdi.
«Menimcha, Braziliya terma jamoasi bilan bog‘liq hikoyam yakunlandi. Men unga bor kuchimni, butun qalbimni va hayotimni bag‘ishladim. Ammo endi bu yo‘lni davom ettirishni istamayman», — dedi Neymar. Bu haqda Actu Foot ijtimoiy tarmog‘idagi X sahifasi xabar qildi.
Eslatib o‘tamiz, Braziliya terma jamoasi 2026 yilgi jahon chempionatida 1/8 finalgacha yetib bordi va ushbu bosqichda Norvegiyaga 1:2 hisobida mag‘lub bo‘ldi. Turnir g‘olibi esa Ispaniya terma jamoasi bo‘ldi.
