«Сантос» ҳужумчиси Неймар Бразилия миллий терма жамоасидаги фаолиятини якунлаганини маълум қилди.

34 ёшли Неймар «селесао» тарихидаги энг яхши тўпурар ҳисобланади. У 2010 йилдан буён миллий жамоа сафида 130 та учрашувда майдонга тушиб, 80 та гол урди ва 59 та голли узатмани амалга оширди.

«Менимча, Бразилия терма жамоаси билан боғлиқ ҳикоям якунланди. Мен унга бор кучимни, бутун қалбимни ва ҳаётимни бағишладим. Аммо энди бу йўлни давом эттиришни истамайман», — деди Неймар. Бу ҳақда Actu Foot ижтимоий тармоғидаги X саҳифаси хабар қилди.

Эслатиб ўтамиз, Бразилия терма жамоаси 2026 йилги жаҳон чемпионатида 1/8 финалгача етиб борди ва ушбу босқичда Норвегияга 1:2 ҳисобида мағлуб бўлди. Турнир ғолиби эса Испания терма жамоаси бўлди.