«Koventri Siti» bosh murabbiyi Frenk Lempard Premyer-liganing yangi mavsumi oldidan jamoa tarkibini kuchaytirishda davom etmoqda. Angliya klubi 18 yoshli darvozabon Jek Raddi bilan shartnoma imzolaganini e’lon qildi.
Yosh golkiper Angliya terma jamoasining sobiq darvozaboni Jon Raddining o‘g‘li hisoblanadi. Bir necha hafta oldin Djek «Norvich» akademiyasini tark etgan edi, shundan so‘ng u «Koventri»ga kelib qo‘shildi.
E’tiborlisi, Lempard yangi kelgan futbolchining otasi bilan yaxshi tanish. 2012 yilda Frenk va Jon Raddi Angliya terma jamoasida birgalikda to‘p surishgan va Italiyaga qarshi o‘rtoqlik o‘yinida maydonga tushishgan (o‘shanda inglizlar 2:1 hisobida g‘alaba qozonishgan). Ushbu o‘yin Raddi uchun milliy terma jamoadagi yagona uchrashuv bo‘lib qolgan.
39 yoshli Jon Raddi «Norvich», «Vulverxempton» va «Nyukasl»dagi o‘yinlari bilan tanilgan. O‘tgan mavsum yakunlangach, uning «qarg‘alar» bilan shartnomasi nihoyasiga yetdi va darvozabon klubni tark etdi.
