O‘zbekiston Superligasining 15-turi doirasida Olmaliqda kechgan OKMK hamda “Nasaf” jamoalari o‘rtasidagi o‘yinda qarshiliklar g‘alaba qozondi.

Olmaliqda bo‘lib o‘tgan uchrashuv mehmonlarning faolligi bilan boshlandi. O‘yinning 8-daqiqasidayoq jamoa to‘purari Bobur Abduxoliqov o‘z hisobiga gol yozib qo‘yib, qarshiliklarni hisobda oldinga olib chiqdi — 0:1.

Ikkinchi bo‘limda ham ustunlikni qo‘ldan boy bermagan “Nasaf” futbolchilari 61-daqiqada Sharof Muhiddinovning goli evaziga hisobdagi farqni oshirdi — 0:2.

Mezbonlar bunga 70-daqiqada Avazbek O‘lmasaliyevning aniq zarbasi bilan javob qaytarishga muvaffaq bo‘ldi. Biroq o‘yin yakuniga qadar boshqa gol kiritilmadi va qarshiliklar safarda muhim uch ochkoga ega chiqdi — 1:2.

"Nasaf" ushbu g‘alabadan keyin o‘z ochkolarini 24 taga yetkazib, jadvalda 6-o‘ringa ko‘tarilib olgan bo‘lsa, Mirjalol Qosimov jamoasi hisobida 25 ochko bor va olmaliqliklar 4-o‘rinni egallab turibdi.

O‘zbekiston Superligasi, 15-tur
“OKMK” — “Nasaf” 1:2
Gollar: 0:1 — Bobur Abduxoliqov (8), 0:2 — Sharof Muhiddinov (61), 1:2 — Avazbek O‘lmasaliyev (70)