«Tottenhem» «Liverpul» hujumchisi Kodi Gakponi sotib olish imkoniyatini ko‘rib chiqmoqda, deb xabar berdi sport jurnalisti Ben Jakobs X ijtimoiy tarmog‘ida.

Manbaning xabariga ko‘ra, mersisaydliklar 27 yoshli niderlandiyalik futbolchi bilan xayrlashishni rejalashtirmayapti va uni faqat juda yirik taklif tushgan taqdirdagina qo‘yib yuborishga tayyor.

Futbolchining amaldagi shartnomasi 2030 yilgacha mo‘ljallangan. Transfermarkt portali uning qiymatini 60 million yevroga baholamoqda.

O‘tgan mavsumda Gakpo barcha turnirlarda 52 ta o‘yinda maydonga tushib, 9 ta gol urgan va 6 ta golli uzatmaga mualliflik qilgan. JCH-2026 da esa u 4 ta o‘yinda 3 ta gol urib, 1 ta golli uzatma oshirgan.