Janfranko Dzola Roberto Manchini va Klaudio Ranyeri bilan birga Italiya terma jamoasini boshqarishga kirishadi.
Bu haqda Italiya futbol federasiyasi prezidenti Jovanni Malago e’lon qildi.
Dzola "yoshlar koordinatori" etib tayinlandi, u 21 yoshgacha bo‘lgan akademiyalarni qamrab oladi.
"Ranyeri va men Dzolani jamoada ko‘rishni juda xohladik va biz bu tanlov bo‘yicha Italiya Professional Futbol Ligasi (Lega Pro) prezidenti Matteo Marani bilan kelishib oldik. Shuning uchun u Lega Pro vise-prezidenti lavozimida davom etadi.
Dzolaning xarizmasi, tayyorgarligi va Lega Proda yillar davomida yaqqol ko‘rinib turgan yosh futbolchilarga yordam berishga qaratilgan sa’y-harakatlari bizning kelajagimiz uchun eng yaxshi poydevorni ifodalaydi", dedi Malago ANSA agentligiga.
2023 yil fevral oyidan beri Dzola Lega Pro (Italiyaning uchinchi divizioni) vise-prezidenti lavozimida ishlab kelmoqda. Italiya terma jamoasining sobiq futbolchisi 2018/19 yilgi mavsumda "Vest Xem", "Uotford", "Kalyari", "Al-Arabi", "Birmingem" klublarida hamda "Chelsi"da Maurisio Sarri qo‘l ostida murabbiylik qilgan.
