«Chelsi» bosh murabbiyi Xabi Alonso London klubining «Milan»ga qarshi o‘rtoqlik uchrashuvida erishgan 3:0 hisobidagi g‘alabasidan so‘ng o‘z fikrlari bildirdi.
«Yondashuv va tizimimizda universal bo‘lishni xohlaymiz. O‘ylashimcha, safimizda turli tizimlarga moslasha oladigan futbolchilar bor, chunki ular bir-birlarini qanday qo‘llab-quvvatlashni tushunishadi. Tammal tamoyillar bir xil, ammo harakatlar o‘zgarishi mumkin. Biz raqib uchun kutilmagan, egiluvchan va xavf tug‘diradigan jamoa bo‘lishimiz kerak. Tizim — bu shunchaki bir lavha, harakat qilish, o‘zgarish va dinamika yaratish lozim — shundagina rasm filmga aylanadi. Biz bitta g‘oyaga yopishib olmaymiz va variantlarimiz qanchalik ko‘p bo‘lsa, jamoamiz shunchalik kuchli bo‘ladi.
Biz allaqachon bir nechta mavsumoldi o‘yinlarini o‘tkazdik. Futbolchilarimiz qanchalik ko‘p bo‘lsa, imkoniyatlarimiz ham shunchalik kengayadi. O‘ylaymanki, biz yanada yaxshiroq bo‘lamiz va Premyer-liga mavsumi boshlanishiga tayyor bo‘lamiz. Lekin bu ham jamoa rivojidagi navbatdagi boshlang‘ich nuqta bo‘ladi, xolos. Shunga ko‘ra, bu bir necha oy davom etadigan va har bir o‘yinda davom etadigan jarayondir», — dedi Alonso.
APLning 2026/2027 yilgi mavsum 1-turida «Chelsi» 24 avgust kuni «Fulxem»ga qarshi maydonga tushadi.
