"Atletiko Madrid" himoyachisi Nauel Molina faoliyatini "Roma"da davom ettiradi.

Jurnalist Matteo Morettoning so‘zlariga ko‘ra, argentinalik futbolchi Rim klubi bilan shaxsiy shartnoma shartlariga rozi bo‘lgan. Molinaning "Roma" bilan shartnomasi to‘rt yilga mo‘ljallangan. Tez orada rasmiy transfer e’lon qilinishi mumkin.

Avvalroq matbuotda futbolchining transferi rimliklarga taxminan 18 million yevroga tushishi haqida xabar berilgan edi.

Molina 2022 yil yozidan beri "Atletiko"da. Ispaniyaga ko‘chib o‘tishdan oldin himoyachi Italiya ligasida o‘ynagan va ikki yil davomida "Udineze" safida o‘ynagan.