Amazon asoschisi Jeff Bezos Amit Bxatiya boshchiligidagi konsorsium tarkibida «Liverpul» klubining ma’lum bir ulushini sotib olishga yaqin turibdi. Sky News xabariga ko‘ra, bitim haqidagi rasmiy e’lon shu haftada aytilishi mumkin.
Konsorsium Angliya klubi aksiyalarining taxminan uchdan bir qismini qo‘lga kiritish niyatida. Avvalroq konsorsium klubdan minoritar ulush olmoqchiligi aytilgan bo‘lsa, endilikda bu ko‘rsatkich 30 foizdan oshishi mumkinligi ta’kidlanmoqda.
Bu bitim «Liverpul»ni 6 milliard dollarga baholashni nazarda tutadi va bu sport tarixidagi eng yirik kelishuvlardan biriga aylanadi. Shu bilan birga, nazorat paketi 2010 yildan beri klubga egalik qilib kelayotgan Fenway Sports Group (FSG) qo‘lida qoladi.
