Amazon асосчиси Жефф Безос Амит Бхатия бошчилигидаги консорциум таркибида «Ливерпуль» клубининг маълум бир улушини сотиб олишга яқин турибди. Sky News хабарига кўра, битим ҳақидаги расмий эълон шу ҳафтада айтилиши мумкин.
Консорциум Англия клуби акцияларининг тахминан учдан бир қисмини қўлга киритиш ниятида. Аввалроқ консорциум клубдан миноритар улуш олмоқчилиги айтилган бўлса, эндиликда бу кўрсаткич 30 фоиздан ошиши мумкинлиги таъкидланмоқда.
Бу битим «Ливерпуль»ни 6 миллиард долларга баҳолашни назарда тутади ва бу спорт тарихидаги энг йирик келишувлардан бирига айланади. Шу билан бирга, назорат пакети 2010 йилдан бери клубга эгалик қилиб келаётган Fenway Sports Group (FSG) қўлида қолади.
