«Manchester Siti»ning yangi bosh murabbiyi Enso Mareska «shaharliklar» safiga tayinlanishidan oldin Xosep Gvardiola bilan o‘tkazilgan uchrashuv haqida gapirib berdi.

«Bu uchrashuv men uchun juda foydali bo‘ldi. Menga jamoaga kelib, hamma narsani o‘zim noldan boshlashim yoqadi, ammo Gvardiola bu yerda uzoq vaqt ishladi. U men uchun doimo aloqada bo‘ladi, lekin hozirgacha u ta’tildan zavq olishi kerak. Men unga muntazam ravishda qo‘ng‘iroq qilavermoqchi emasman. Qaysi vaqtlarda telefon qilib gaplashish mumkinligini tushunish kerak», — deydi Mareskaning so‘zlarini keltirgan jurnalist Djek Gogan.

Eslatib o‘tamiz, ushbu yozda Mareska «Manchester Siti» bosh murabbiyligi postida Gvardiolaning o‘rnini egalladi. Yangi mutaxassis qo‘l ostidagi ilk rasmiy o‘yinni «shaharliklar» 16 avgust kuni «Arsenal»ga qarshi o‘tkazishadi. Angliya Superkubogi uchun bahs Toshkent vaqti bilan soat 19:00 da boshlanadi.