«Chelsi» yarim himoyachisi Enso Fernandesning «Manchester Siti»ga o‘tishi mumkinligi haqidagi xabarlar avj olmoqda.

«Shaharliklar» Rodrining «Barselona»ga kutilayotgan transferidan so‘ng yarim himoya chizig‘ini kuchaytirishni istashmoqda. Jurnalist Sesar Luis Merloning xabar berishicha, Fernandesning atrofidagilar «Siti»ning niyatidan xabardor va o‘yinchining o‘zi yashil chiroq yoqqan – u taklifni eshitishga tayyor. Asosiy g‘ov bo‘lib «ko‘klar» tomonidan belgilangan juda yuqori narx qolmoqda.

«Manchester Siti» transferni tezroq rasmiylashtirmoqchi, ammo buni amalga oshirish oson bo‘lmaydi. Avvalroq shartnoma imzolanishdan shaxsan murabbiy Enso Mareska manfaatdor ekani ma’lum bo‘lgan edi, u ilgari «Chelsi»da Fernandes bilan birga ishlagan.

Transfermarkt portali 25 yoshli argentinalikning qiymatini 100 million yevroga baholamoqda.