«Челси» ярим ҳимоячиси Энцо Фернандеснинг «Манчестер Сити»га ўтиши мумкинлиги ҳақидаги хабарлар авж олмоқда.

«Шаҳарликлар» Родрининг «Барселона»га кутилаётган трансферидан сўнг ярим ҳимоя чизиғини кучайтиришни исташмоқда. Журналист Сесар Луис Мерлонинг хабар беришича, Фернандеснинг атрофидагилар «Сити»нинг ниятидан хабардор ва ўйинчининг ўзи яшил чироқ ёққан – у таклифни эшитишга тайёр. Асосий ғов бўлиб «кўклар» томонидан белгиланган жуда юқори нарх қолмоқда.

«Манчестер Сити» трансферни тезроқ расмийлаштирмоқчи, аммо буни амалга ошириш осон бўлмайди. Аввалроқ шартнома имзоланишдан шахсан мураббий Энцо Мареска манфаатдор экани маълум бўлган эди, у илгари «Челси»да Фернандес билан бирга ишлаган.

Transfermarkt портали 25 ёшли аргентиналикнинг қийматини 100 миллион еврога баҳоламоқда.