"Manchester Yunayted"ning sobiq himoyachisi Rio Ferdinand jamoa bosh murabbiyi Maykl Karrikni yozgi transfer oynasida Markus Reshfordni qo‘yib yubormaslikka chaqirdi.
28 yoshli vinger "Barselona"dagi muvaffaqiyatli ijaradan so‘ng "Manchester Yunayted"ga qaytdi. Reshford o‘tgan mavsum Kataloniya klubi safida 49 ta uchrashuv o‘tkazib, 14 ta gol urdi va 14 ta golli uzatmani amalga oshirdi.
"Reshford "Manchester Yunayted"ning mashg‘ulot bazasiga qaytdi va, yigitlar, u xuddi qizib turgan Ferrari kabi. U ajoyib formada, u tayyor. Bilasizmi, yana nima? Uning yuzida tabassum bor, harakatlarida esa yengillik sezilyapti", — dedi Ferdinand o‘zining YouTube kanalida.
Ferdinandning fikricha, Reshfordni saqlab qolish "Manchester Yunayted" uchun amalda yangi futbolchi xarid qilish bilan barobar bo‘lishi mumkin.
"U qolishiga umid qilaman. Shunda u klub uchun xuddi yangi futbolchidek bo‘ladi. Balki endi biz kuchli motivasiyaga ega Markus Reshfordni ko‘rarmiz. U maydonga chiqib, barcha shubha qilganlar va tanqidchilarga ular adashganini isbotlar. Shunday bo‘lishiga umid qilaman. Ko‘ramiz", — deya qo‘shimcha qildi Ferdinand.
Reshford Kerrik jamoasiga qo‘shilib ulgurdi va "Manchester Yunayted" bilan Dublindagi mavsumoldi yig‘inlariga yo‘l oldi.
15 avgust kuni mankunianliklar Polshada "Milan"ga qarshi o‘rtoqlik uchrashuvini o‘tkazadi.
