Erkin agent maqomidagi futbolchi, «Manchester Yunayted»ni tark etgan Jeydon Sancho APL klublaridan takliflar olganiga qaramay, faoliyatini Angliyadan tashqarida davom ettirishga moyil. Bu haqda BBC xabar bermoqda.
26 yoshli vinger asosiy da’vogar Dortmundning «Borussiya» klubi bo‘lib turibdi.
Sancho 2021 yilda «Borussiya»dan «Manchester Yunayted»ga o‘tgan. Angliyalik futbolchi o‘tgan mavsumni «Aston Villa»da ijara asosida o‘tkazib, 39 ta uchrashuvda maydonga tushdi. Unai Emeri jamoasi bilan birga Yevropa ligasida g‘olib chiqdi.
Undan avvalgi mavsumda esa futbolchi «Chelsi»da ijara asosida o‘ynadi va 41 ta uchrashuv o‘tkazdi. Kelishuvda futbolchini majburiy tarzda sotib olish bandi mavjud edi, biroq London klubi «Manchester Yunayted»ga qariyb 6 million yevro miqdorida kompensasiya to‘lab, futbolchini ortga qaytardi.
