Эркин агент мақомидаги футболчи, «Манчестер Юнайтед»ни тарк этган Жейдон Санчо АПЛ клубларидан таклифлар олганига қарамай, фаолиятини Англиядан ташқарида давом эттиришга мойил. Бу ҳақда BBC хабар бермоқда.
26 ёшли вингер асосий даъвогар Дортмунднинг «Боруссия» клуби бўлиб турибди.
Санчо 2021 йилда «Боруссия»дан «Манчестер Юнайтед»га ўтган. Англиялик футболчи ўтган мавсумни «Астон Вилла»да ижара асосида ўтказиб, 39 та учрашувда майдонга тушди. Унаи Эмери жамоаси билан бирга Европа лигасида ғолиб чиқди.
Ундан аввалги мавсумда эса футболчи «Челси»да ижара асосида ўйнади ва 41 та учрашув ўтказди. Келишувда футболчини мажбурий тарзда сотиб олиш банди мавжуд эди, бироқ Лондон клуби «Манчестер Юнайтед»га қарийб 6 миллион евро миқдорида компенсация тўлаб, футболчини ортга қайтарди.
