«Marsel» himoyachisi Nayef Agerdning «Real Sosyedad»ga transferi tibbiy ko‘rikdan so‘ng amalga oshmay qoldi. Marokash terma jamoasining 30 yoshli futbolchisi chov jarohati sababli mart oyidan beri maydonga tushmadi va shu bois 2026 yilgi Jahon chempionatini ham o‘tkazib yubordi.
«Menda o‘zim juda hurmat qiladigan va mehr qo‘ygan klub — «Real Sosyedad»ga qaytish imkoniyati paydo bo‘lgan edi.
Murabbiy Pellegrino Matarasso bilan suhbatdan so‘ng, menda u bilan tiklanish bayonotnomamni (protokolini) muhokama qilish imkoni bo‘ldi. Keyinchalik bu masala klublar o‘rtasidagi muzokaralar vaqtida chetga surib turildi. Mening tibbiy ko‘rigim mukammal o‘tdi va ikkala klub tomonidan ham tasdiqlandi. Shu bois hech qanday tibbiy muammo bo‘lmagan.
Yagona masala sport formamni eng yaxshi holatda tiklab olishim uchun zarur bo‘lgan bosqichma-bosqich qaytish bilan bog‘liq edi, ammo murabbiy mening hoziroq maydonga tushishga tayyor bo‘lishimni xohladi.
Men uning pozisiyasini to‘liq hurmat qilaman. Shu sababli, bu yerda hech qanday injiqlik yoki «Real Sosyedad»ga va boshqa biror kimga hurmatsizlik haqida gap ketayotgani yo‘q. Bu shunchaki o‘z sog‘lig‘imni asrash va hamma kutganidek to‘liq mavsum o‘tkazish uchun qabul qilingan mas’uliyatli qarordir», — deb yozdi Agerd.
