"Tottenxem" "Manchester Siti" vingeri Savinyoni sotib olish bo‘yicha muzokaralarni davom ettirmoqda. The Times ma’lumotiga ko‘ra, kelishuv qiymati 85 mln funt, ya’ni qariyb 100 mln yevroga yetishi mumkin.

Londonliklar braziliyalik futbolchiga yoz boshidan beri qiziqish bildirib kelmoqda. Savinyo ham ko‘proq o‘yin amaliyotiga ega bo‘lish maqsadida klubini almashtirishga tayyor ekani xabar qilingan.

22 yoshli futbolchi o‘tgan mavsum "Manchester Siti" safida barcha musobaqalarda 36 ta o‘yin o‘tkazib, 4 ta gol va 2 ta golli uzatma qayd etgan.

"Siti" Savinyoni sotgan taqdirda uning o‘rniga yangi qanot hujumchisini olib kelishni rejalashtirmoqda.