"Тоттенхэм" "Манчестер Сити" вингери Савиньони сотиб олиш бўйича музокараларни давом эттирмоқда. The Times маълумотига кўра, келишув қиймати 85 млн фунт, яъни қарийб 100 млн еврога етиши мумкин.

Лондонликлар бразилиялик футболчига ёз бошидан бери қизиқиш билдириб келмоқда. Савиньо ҳам кўпроқ ўйин амалиётига эга бўлиш мақсадида клубини алмаштиришга тайёр экани хабар қилинган.

22 ёшли футболчи ўтган мавсум "Манчестер Сити" сафида барча мусобақаларда 36 та ўйин ўтказиб, 4 та гол ва 2 та голли узатма қайд этган.

"Сити" Савиньони сотган тақдирда унинг ўрнига янги қанот ҳужумчисини олиб келишни режалаштирмоқда.