"Nissa" klubi rasmiy sayti orqali "Zenit"ning sobiq yarim himoyachisi Aksel Vitsel bilan shartnoma imzolaganini e’lon qildi.
37 yoshli belgiyalik futbolchi joriy yozda "Jirona"dan ketgach, erkin agentga aylangan edi. U "Nissa" bilan yana bir mavsumga uzaytirish imkoniyati mavjud bo‘lgan bir yillik shartnoma imzoladi.
Avvalroq OAVda "Nissa" Vitselni tizza xochsimon bog‘lamlaridan jarohat olgan Loran Aberjelga o‘rinbosar sifatida ko‘rayotgani haqida xabarlar tarqalgan edi.
Transfermarkt portali Vitselning bozor qiymatini 1,3 million yevroga baholamoqda.
2025/26 yilgi mavsumda Vitsel La Ligada 32 ta o‘yinda maydonga tushib, 1 ta gol urdi va 2 ta golli uzatmani amalga oshirdi. 2026 yilgi jahon chempionatida esa u 2 ta uchrashuvda ishtirok etib, 1 ta sariq kartochka oldi.
Vitsel faoliyati davomida "Standard", "Benfika", Dortmundning "Borussiya", "Atletiko" va "Tyanszin Teda" klublarida ham to‘p tepgan.
