Madridning "Real" klubi bosh murabbiyi Joze Mourinyo jamoa bilan ish boshlagan dastlabki oylar haqidagi taassurotlari bilan o‘rtoqlashdi.
"Special One" klubni tark etganidan 13 yil o‘tib, yana "Real"ga qaytdi.
"Men "Real"ga kelganimda, g‘alabaga chanqoq kiyinish xonasini ko‘rdim. Hozircha o‘zimning qanchalik qattiqqo‘l rahbar bo‘la olishimni ko‘rsatishga biror marta ham to‘g‘ri kelmadi. Bu mening DNKmning bir qismi, ammo futbolchilar meni o‘zimning ana shu versiyamdan himoya qilib kelishdi", — dedi Mourinyo El Chiringuito'ga bergan intervyusida.
Shanba kuni "Real" yangi mavsum La Ligasining 1-turida safarda "Espanyol"ga qarshi maydonga tushadi. Bu portugaliyalik mutaxassisning klubga ikkinchi bor qaytishidagi ilk rasmiy uchrashuv bo‘ladi.
